Ka Nohona Pili Kai


Words by Keali`i Reichel & Puakea Nogelmeier, Music - Begin (Teichiku Entertainment Inc.)


Pā hanu mai ka pua ehu o ke kai
E holu nape ana i ka lau ki
Me he leo `a`ala i māpu mai
E heahea mau nei


  Aloha ē, aloha nō
  Aloha ka hāli`ali`a mau
  He nani ē, he nani nō
  He nani ka nohona pili kai


Lauele ka mana`o i ke aumoe
Hia`ā i ka `ulaleo o ke kai
Ka`iawe ka hā`upu aloha
E ho`omālie mau nei


He pilikana ka malu ulu niu
Hei mai ana me ka pōhuehue
A he wehi ho`i ko hi`ikua ē
E kāhiko mau nei


Puana `ia no ke ehu o ke kai
Ia hanu `a`ala o ke aumoe
Moe a`e ke ala e `alo ai
E ho`olale mau nei