Iā `Oe E Ka Lā


Words & Music by Nahinu


Iā `oe e ka lā e `alohi nei `eā
Ma nā welelau, ma nā welelau a`o ka honua


Hō`ike a`e `oe i kou nani `eā
I ka mālamalama, i ka mālamalama `oi kelakela


Nāu i nōi`i nowelo aku `eā
Pau nā pali pa`a, pau nā pali pa`a i ka `ike `ia


`Ike `oe i ka nani a`o Himela `eā
Ka hene wai`olu, ka hene wai`olu lawe mālie


Mauna i lohia e ke onaona `eā
Kaulana i ka nani, kaulana i ka nani me ke ki`eki`e


Ki`eki`e `o ka Lani Kau mai i luna `eā
Nāna i a`e nā, nāna i a`e nā kapu o Kahiki


Hehihehi kū ana i ka huku `ale `eā
Ke kai hāla`i, ke kai hāla`i lana mālie


Hea aku mākou, e ō mai oe `eā
E ola `o ka lani, e ola `o ka lani a mau loa


E ola `o ka lani a mau loa `eā
A kau i ke ao, a kau i ke ao mālamalama