Pakalana Ke Aloha


by Bradford K. Nakamura


`Auhea `oe e ka pua,`o ka Pakalana
`O `oe kai pane i ka heahea
Kōko`olua kāua
Ka pakalana ke aloha


E ake ka mana`o,na`u ho`okahi,`o ka Pakalana
`A`ole o kana mai ka u`i
ku`u pua `ala anuhea
`ohu`ohu o ke aumoe


Pulu pē ka lihilihi i ke anu o ke kili`opu
Ua ola hou kāua i ka ililani
E nanea kāua
Ma ka poli `oe e maha ai


Kāua i kui i ka lei,a pili pono
Waianuhea ke `ala kupaoa
He lei aloha makamae
Ka pua `ala onaona


puana `ia ku`u mele,no ka Pakalana
No ka lei ho`oheno,ka nani
Kōko`olua kāua
Ka pakalana ke aloha