Nā Pua Mōhala






 
Aloha `ia nō ke `ala pua
I hō`ailona o ke kupulau lā
Ho`ohāli`ali`a au
I ku`u home pūlamahia
 
He mau `i`ini ko`u
E kō mai ai ma ka honua nei
Noho hā`upu mau au
E ha`o ana i ke aloha ē
 
Lohe au i ka leo hīmeni
He mele ho`ohau`oli pu`uwai
`Ike lihi i nā mino`aka
`Ō`ili mai i ke kaumaha ē
 
Nā pua,nā pua,nā pua mōhala
No nā hanauna e hiki mai ana
Nā pua,nā pua,nā pua mōhala
Nā pua paha ia e `a`ala ai ke ao
 
`Ike `ia mai ka wana`ao
A eo mai ka pō i ke ao
`Upu a`e ka mana`o
Ka nohona luakaha aku nei
 
Pā kuku`i aku a ku`ia mai
Pulu wale i ka waimaka ē
Keu ho`i mai ka ha`o ē
Ka haili aloha o`u nei
 
Mahu`i nō au i ka `i`ini
Mana`olana no ke kanaka
Hiki ke wānana `ia ke ala
Ma `ō aku o ka lu`ulu`u ē
 
Nā pua,nā pua,nā pua mōhala
No nā hanauna e hiki mai ana
Nā pua,nā pua,nā pua mōhala
Nā pua paha ia e `a`ala ai ke ao
 
Nā pua,nā pua,nā pua mōhala
No nā hanauna e hiki mai ana
Nā pua,nā pua,nā pua mōhala
Nā pua e `a`ala ai `oukou aloha e