Ha`aheo Kaimana Hila


Na Mary K. Puku`i and Maddy Lam
Uluhina Peleka-nia na Kimo Alama Keaulana


Ha`aheo Kaimana Hila
I ka hale ipu kukui
Kū kilakila a i luna
He kia`i no ka moana
 
`O nā `ale holu o ke kai
Ka moani o ka līpoa
Ke ao `ōpua e kau ana
`O kou kāhiko mau ia
 
Ohohia nā malihini
I ka `ike i kou nani
Ua lohe `ia kou inoa
Ma nā `āina mamao
 
I laila e walea ai
Nā ipo maka onaona
E nanea ana i ka nani
O ka pō mahina kōnane
 
Ha`ina `ia mai ana ka puana
No Lē`ahi, Kaimana Hila
Ua kaulana kou inoa
Ma nā `āina mamao